Sali Berisha korri fitoren e parë me rikthimin ne Kuvend duke u bërë zyrtarisht pjesë e grupit parlamentar të Partisë Demokratike. Ai u shpall i padëshiruar nga Lulzim Basha në shtatorin e 2021 i cili vendosi ta lërë jashtë grupit liderin historik të demokratëve pas vendimit të amerikaneve të cilët e shpallën “non grata”. Në tre vite të drejtimit të Kuvendit nga Lindita Nikolla, Sali Berisha u përball me refuzime të njëpasnjëshme në përpjekjen e tij për tu ribashkuar me grupim parlamentar ndonëse shkresat, pas ribashkimit të grupit kuvendor mbanin firmën e kryetarit Gazment Bardhi. Por në një kohë që Sali Berisha ia doli të rimarrë kontrollin e partisë edhe ligjërisht me fitimin e vulës në gjykate, izolimi ne arrest shtëpie ia pamundësoi bërjen pjesë të grupit të partisë demokratike. Tani me rikthimin në liri emri i tij figuron zyrtarisht mes radhëve të demokratëve pasi Parlamenti vendosi të anulojë vendimin për përjashtimin e tij.