Një çift bashkëshortësh shqiptaro-belg dhe vajza e tyre 6- vjeçare, prej më shumë se një muaji janë vendosur në fshatin Kaninë të Vlorës. Klea nga Berati tregon se jetonte prej 15 vitesh në Belgjikë e martuar me Liroj por ajo thotë se ishte dëshira e bashkëshortit që e ktheu në shqipëri. Për momentin po jetojmë më qira, por dëshira jonë është të jemi banorë të përhershëm në këtë fshat. .Deshëm të largoheshim nga stresi perëndimor, dhe sa herë vinin më Shqipëri kemi gjetur qetësi, dielli që del pothuajse të të gjitha ditët e vitit. I dashuruar me jetesën e thjeshtë shqiptare, Liroj rrëfen përse e do atdheun e bashkëshortes, shqipërinë. Kam gjetur një qetësi të madhe këtu. Atje në Belgjikë ka qënë një stress I madh me punën dhe cdo herë nxitoja, ndërkohë që në Kaninë trupi im ndihet rehat, po ashtu Kanina nuk është larg nga qyteti dhe kemi cdo gjë afër. Vajza e tyre Ili 6 vjeçare ka nisur të mësojë shqip në klasën e parë.