Kryetari i Partisë Demokratike, Lulzim Basha në një takim me demokratët në Korçë është shprehur i bindur së PD është garancia e vetme për ta bërë realitet aspiratën e shqiptarëve për ndryshim. Ai deklaroi gjithashtu se kush mendon se ai dhe grupi i tij do të dorëzohen përballë ‘masakrës zgjedhore’ të 25 prillit, nuk i njeh mirë ata, ndërsa shtoi se “masakra zgjedhore” dhe “Rama fitoi zgjedhjet” janë dy terma që nuk mund të qëndrojnë kurrë bashkë. Deklarata e plotë: Korçë Përgjegjësia që kemi marrë mbi supe kur kërkuam dhe primë betejën për ndryshim, është një mision të cilin nuk mund ta rrealizojë askush përveç nesh, përveç jush. E vërteta është që e vetmja forcë politike që mund ta vazhdojë këtë betejë deri aty ku e duan shqiptarët, deri aty ku e deshën më 25 prill dhe sot e duan edhe më shumë, edhe ata që kanë parë me sytë e tyre se çfarë po i kushton familjeve të tyre, komunitetit dhe mbarë Shqipërisë. Pengimi i dhunshëm i ndryshimit më 25 prill.