Nga data 30 dhjetor 2025, Gjykata e Apelit të Posaçëm e ka zbardhur vendimin ndaj zv.kryeministres Belinda Balluku, dhe dy drejtorëve Gentian Gjyli dhe Erald Elezi, por asnjëri prej tyre nuk është ankuar ende me rekurs në Gjykatën e Lartë. Top Channel kontaktoi me tre avokatët e të akuzuarve, të cilët këmbëngulin se në kushtet kur verdikti nuk është printuar siç duhet, ai është i palexueshëm. “Vendimi lexohet me shumë vështirësi sepse është printuar në eco mode” u shpreh në telefon Julian Mërtiri që përfaqëson interesat e Erald Elezit. Të njëjtin situatë e pretendojnë edhe dy avokatët e tjerë Andi Skënderi dhe Ardian Kalia, ky i fundit mbrojtës i zv.kryeministres Belinda Balluku që shtoi se ka kërkuar që vendimi ti vendoset në dispozicion me germa të lexueshme qartësisht. Kjo situatë vjen 2 javë larg nga hapja në Gjykatë Kushtetuese të seancës plenare të çështjes ‘Balluku’, vënë në lëvizje nga kryeministri I cili kërkon zgjidhjen e konfliktit mes dy pushteteve, gjyqësorit dhe ekzekutivit. Por ndërsa e mori të pandehur për tenderin e tunelit të Llogorasë, SPAK kërkon heqjen e imunitetit si deputete të zv.kryeministres dhe ministres së Infrastrukturës nën hetim edhe për tenderë të tjerë dhe e rikthyer në detyrë mbasi kushtetuesja shfuqizoi masën e pezullimit por nuk preku bllokimin e pasaportës. Ndaj Belinda Ballukut vazhdon në fuqi masa e ndalimit për të dalë jashtë vendit, thotë për Top Channel, gazetarja Anila Hoxha. Siç kanë urdhëruar prokurorët e posaçëm, nga kampi i anëtarëve të këshillit të mandateve nuk ka patur rrjedhje të dosjes, duke shënjuar një ruajtje të panjohur më parë të sekretit hetimor. “Nga ana tjetër SPAK po pret një datë nga Këshilli i Mandateve”, shton Hoxha. Veç dyshimeve për abuzim me tenderat, gjykata e apelit në vendimin e zbardhur që duket se I ka mbaruar boja ndaj dhe nuk lexohet mirë nga avokatët argumentohet se ekziston rrezikuar që funksionarja ti shmanget drejtësisë, dhe ky shpjegim lidhet me marzhin e dënimit që parashikon akuza që I është komunikuar më herët