Babe e bir, 76 dhe 32 vjec humben jeten si pasoje e nje aksidenti tragjik qe ndodhi pasditen e se shtunes ne aksin Shkoder - Hani i Hotit. Valentin Bluda dhe Nikolla Bluda po udhetonin me mjetin e tyre tip Mercedez- Benz, kur ne fshatin Vrake, kane humbur kontrollin e makines dhe pas disa metrave kane kaluar mbi rrethrrotullimin e rruges dhe jane perplasur me nje tabele reklamash te vendosur nga bashkia e Malesise se Madhe. Perplasja me tabelen e hekurit, ka qene e fuqishme duke i shkaktuar vdekjen dy anetareve te familjes Bluda. Ambulanca dhe forcat zjarrfikese mberriten ne vendin e ngjarjes por pavaresisht se u transportuan per ne spital, nderruan jete si pasoje e plageve. Dyshohet se shkak i aksidentit eshte shperthimi ne ecje i gomes se majte perpara, qe ka sjelle daljen jashte kontrolli te makines e me pas perplasjen me tabelen e reklamave. Policia ngriti një grup hetimor në vendngjarje për të hetuar të gjitha rrethanat e përplasjes fatale.