Kryetari i Komunës së Haraçinës, në Maqedoninë e Veriut, Ridvan Ibraimi ishte shënjestra e një atentati me armë zjarri këtë të hënë. Makina me të cilën Ibrahimi po lëvizte u qëllua me breshëri plumbash nga persona ende të paidentifikuar. Si pasojë e të shtënave Ibrahimi nuk pësoi lëndime, ndërsa u plagosën Eshtref Selimi dhe Adnan Ajdini, dy prej shoqëruesve të tij. Ata u dërguan drejt spitalit të Shkupit ku po marrin ndihmë mjekësore. Drejt vendit të ngjarjes shkuan forca të shumta policie, ndërsa autorët u larguan me shpjetësi. Sipas disa mediave të Maqedonisë së Veriut, një nga atentatorët mendohet se është një person me influencë të madhe në zonën e Harçinës, I shpallur në kërkim nga policia për disa vepra të ndryshme penale. Ai edhe vitin e kaluar, sipas këtyre mediave, u fut në zyrat e komunës dhe e dhunoi Ritvan Ibrahimin ndërsa shkak u bë një konflikt mes tyre. Në momentin e ngjarjes, Ritvan Ibrahimi ishte duke shkuar për të inspektuar punimet përgjatë rrugës kryesore të Harçinës kur u përballë me breshërinë e plumbave.