Muzikantë të njohur të ekranit si Usher, Pink apo aktorja Megan Fox kanë nxituar të fshijnë gjurmët e lidhjeve të tyre me reperin e producentin amerikan Diddy, të akuzuar për abuzime e trafik seksual, pasi u premtonte te rejave karrierë, por i shfrytëzonte seksualisht, ndërsa u bënte shantazh. Lajmit i bëri jehonë dikur vetë pronari i rrjetit X me një ripostim të vitit 2022 ku tentonte të vinte në dijeni për abuzimet dhe ku u sugjeronte artistëve të fshihin lidhjet me producentin famëkeq. “Tëitter është një kompani rrjetesh sociale, por edhe një skenë krimi” shkruante Musk. Ndonëse është në mesin e një turneu në SHBA, Usher ka fshirë të gjitha postimet dhe replikimet me Diddyn. Edhe aktorja Megan Fox ka fshirë nga rrjetet sociale të gjitha postimet që ka bërë para vitit 2013, ku shiheshin lidhjet me Sean Combs ‘Diddy’, ashtu sikurse ka vepruar dhe këngëtarja e njohur Pink. Lëvizja e artistëve u vu në dukje nga përdorues të shumtë të X. Sipas akuzave, në vilën e tij në Florida, producenti kishte krijuar dhoma të posaçme vetëm për marrëdhënie intime, të mbushura me kamera. “Nëse ishe prezent në ato festa seksi, si vajzat dhe të ftuarit ishin të regjistruar nga të gjitha këndet”, tha një burim i policisë, i cili shtoi se Diddy drogonte viktimat e tij dhe i detyronte të bënin seks me meshkuj”. “Kemi prova se vajzat nuk ishin të lira të largoheshin nëse dëshironin, dhe kemi video se disa ishin pa ndjenja kur meshkujt bënin seks me to”, shtonte zyrtari që qëndroi në kushtet e anonimatit. Diddy Combs mbante videot që konsideronte me qëllim t’i përdorte si mjet shantazhi në këmbim te heshtjes së tyre dhe shfrytëzimit të vazhdueshëm. Pas akuzave nga dhjetëra vajza, producenti u vu në pranga, ndëkohë që vijojnë hetimet.