Arrestimi i ish-kryetari i Komunës së Shtërpcës, Bratisllav Nikolic nën dyshimin e shpërdorimit të pozitës zyrtare, ka sjellë reagimin e menjëhershëm të Beogradit. Drejtori i Zyrës për Kosovën në Qeverinë e Serbisë, Petar Petkovic, e cilësoi këtë është "një tentativë tjetër brutale për të frikësuar popullin serb në Kosovë" dhe "një terror të ri të kryeministrit Albin Kurti". Shtërpca është njëra prej gjashtë komunave me shumicë serbe në jug të Lumit Ibër në Kosovë. Nikolic, nga radhët e Listës Serbe, ka qenë në krye të saj që nga themelimi në vitin 2009 e deri në fund të nëntorit 2021. Lista Serbe është partia kryesore e serbëve në Kosovë, e cila gëzon mbështetjen e Beogradit zyrtar. Përpos Nikolicit, Policia e Kosovës, me urdhër të Prokurorisë së Shtetit, arrestoi edhe rreth dhjetë persona në Shtërpcë, mes të cilëve drejtorin e Urbanizimit dhe disa zyrtarë e pronarë ndërmarrjesh, të për veprat penale: marrje dhe dhënie e ryshfetit, si dhe shpërdorim të pozitës zyrtare.