Aksidenti i ndodhur mbrëmjen e djeshme në Elbasan ka rezultuar fatal për 47-vjeçaren, e cila ndërroi jetë më pas në spital. Ajo ka rënë nga autobusi pasi shoferi ka bërë manovra të rrezikshme. Shoferi i arrestuar është D. P., 49 vjeç, banues në Elbasan, ku në fshatin Tregan, Elbasan ka kryer manovra të rrezikshme ku ka rënë M. K.,banuese në fshatin Jagodinë të Elbasanit. Elbasan Arrestohen në flagrancë 3 shtetas, për vepra të ndryshme penale. Specialistët për Hetimin e Krimit në Komisariatin e Policisë Elbasan arrestuan në flagrancë shtetasit: • I. S., 39 vjeç, banues në Elbasan, pasi në bashkëpunim me shtetasin M. F. (i shpallur në kërkim policor) dyshohet se kanë tentuar të vjedhin një furgon në pronësi të shtetasit A. P.; Si rezultat i hetimeve dyshohet se këta shtetas janë bashkautorë edhe të vjedhjes së një mjeti tip “Benz”, në pronësi të shtetasit K. K., më datë 14.05.2021; • D. P., 49 vjeç, banues në Elbasan, pasi në fshatin Tregan, Elbasan, duke drejtuar mjetin autobus ka kryer manovra të rrezikshme dhe për pasojë është rrëzuar nga autobusi pasagjerja shtetasja M. K., 47 vjeçe, banuese në fshatin Jagodinë, Elbasan, e cila për shkak të plagëve të marra ndërroi jetë në spital. Specialistët e Qarkullimit Rrugor në Drejtorinë Vendore të Policisë Elbasan arrestuan në flagrancë shtetasin: H. Sh., 19 vjeç, banues në Elbasan, pasi u kap nga shërbimet e Policisë Rrugore, duke drejtuar motoçikletën pa leje drejtimi. Matrialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.