Mes 35 personave që ranë në pranga sot me akuzën e mashtrimit kompjuterik të shtetasve të huaj nga Tirana ishte edhe Rafael Genish, pronari i një “Call Centeri” në kryeqytet. 2400 shtetas të huaj kanë re pre e mashtrimit, me premtimin e investimit në bursë, duke iu shkaktuar kështu një dëm disa miliona euro. Drejtori i Departamentit të Policisë Kriminale në Policinë e Shtetit Tonin Vocaj, tha se Genish ishte dhe organizatori i skemës. Nga hetimet e zhvilluara rezultonte se prej disa vitesh subjekti tregtar nën emërtimin “RG Capital“ zhvillonte aktivitetin e tij në fushën e “Call center“. deri më tani janë identifikuar të dhënat personale të shumë shtetasve të huaj të cilat janë përdorur për t‘i kontaktuar këta shtetas dhe më pas t‘i tërhiqnin drejt skemës së mashtrimit kompjuterik, duke përfituar shuma të ndryshme vlerash monetare të cilat varionin nga 500 euro e sipër.