Sulmet ndaj Izraelit do të vazhdojnë në solidaritet me palestinezët, tha sot lideri i rebelëve Houthi të Jemenit, një ditë pas hyrjes në fuqi të armëpushimit në luftën midis Izraelit dhe Hezbollahut në Liban. Nga fronti i Jemenit, operacionet për të mbështetur popullin palestinez duke lëshuar raketa ose dronë do të vazhdojnë”, tha Abdel Malek al-Houthi, kreu i grupit Houth. Houthi, të cilët kontrollojnë pjesë të mëdha të Jemenit, i përkasin asaj që Republika Islamike e Iranit e quan një “bosht rezistence” kundër Izraelit, së bashku me organizata të tjera si Hamasi palestinez dhe Hezbollahu i Libanit “Shpresoj që të gjithë ne në ushtri dhe në mesin e njerëzve të jemi të vetëdijshëm për përgjegjësitë tona dhe ne duhet me ndihmën e Zotit të vazhdojmë të bëjmë më shumë dhe më të fortë kundër Izraelit. Ne po bëjmë gjithçka në Jemen për të mbështetur popullin palestinez,” shtoi lideri rebel. Abdel Malek al-Houthi iu referua gjithashtu armëpushimit në Liban, duke deklaruar se Hezbollahu kishte shënuar një “fitore” ndaj Izraelit.