Një emigrant shqiptarë në Angli është duke luftuar me jetën, pas një tentative vetëvrasje në qendrën e mbajtjes të azil kërkuesve Brook House pranë aeroportit Gatëick. Behet fjalë për një 38 vjeçar me origjinë nga Librazhdi i cili kishte mbërritur në Angli një vit më parë me gomone. Të afërmit e tij i thanë Top Channel se ai është duke u mbajtur në jetë në spitalin ICU East Surrey, përmes aparaturave mjekësore. “Mjekët na kanë dhënë shumë pak shpresë pasi ka dëmtime të forta të tru nga tentativa vetëvrasjes” tha nipi tij përmes telefonit nga Greqia. Emigranti shqiptarë prej 10 ditës mbahej në këtë qendër emigrantësh me qëllim dëbimin nga Anglia. Ai është gjetur në dhomë i varur me çarçafë veprim të cilin e kishte ndërmarrë 20 minuta përpara se të zbulohej nga shoku dhomës. Besohet se një depresion i mundshëm prodhoi tentativën e vetëvrasjes e të riut nga Librazhdi i cili ishte marrë nga oficerët e emigracionit në banesën ku jetonte në Londër. Ministria e punëve të brendshme angleze Home Office kontaktuar nga Top Channel as e mohoi dhe as e kundërshtoi këtë tentativë vetëvrasje të emigrantit shqiptarë. Pamjet: AFP