Shtetet e reja anëtare të BE-së mund të vendosen në një periudhë “prove” për disa vite dhe të përjashtohen nga blloku në rast të rrëshqitjes në standardet demokratike, sipas një propozimi që synon të qetësojë shqetësimet se anëtarët e rinj mund të ndjekin shembullin e Hungarisë që “ flirton” vazhdimisht me Rusinë pasi i është bashkuar Unionit. Të nxitur nga pushtimi rus i Ukrainës në vitin 2022 dhe dëshira për t’i përfshirë vendet e mbetura të Ballkanit Perëndimor, Komisioni Europian ringjalli procesin e zgjerimit që ishte pezull për më shumë se një dekadë. Por, ndonëse mbështesin zgjerimin, disa kryeqytete janë kundër mundësisë që Ukraina, Moldavia dhe vendet e Ballkanit Perëndimor të shkelin rregullat e bllokut për demokracinë, lirinë e medias dhe pavarësinë e gjyqësorit pasi të anëtarësohen dhe të afrohen me Rusinë. Këtë e ka konfirmuar edhe komisionerja për zgjerimin, Marta Kos në një intervistë për “Financial Times”.