Një ngjarje e rëndë ka ndodhur në qytetin e Korçës ku një 18 vjeçar nga Durrësi i cili kishte ardhur për të festuar Kriahtlindjen së bashku me shokët është hedhur nga kati i 8 i një pallati. Ngjarja ndodhi në lagjen 17 të qytetit rreth orës 4 të mëngjesit ku 18 vjeçar u gjet i pajetë në trotuar ndërsa sipas policisë ai së bashku me 7 shokë të tjerë kishin zënë një apartament me qira për të festuar Krishtlindjen në Korçë. Pasi kanë festuar në një lokal ku edhe kanë konsumuar alkool të rinjtë janë kthyer në apartament për të fjetur ndërsa i riu është ngjitur në taracën e pallatit prej ku është vetëhedhur. Burime bëjnë me dije se 7 shokët e viktimës kanë deklaruar për uniformat blu se të gjithë kanë qenë në gjumë kur shoku i tyre ka ndërrmarrë aktin e rëndë. Dyshime ka se krahas alkoolit, 18 vjeçari ka konsumuar edhe lëndë narkotike.