Albin Kurti do të synojë edhe një mandat tjetër si kryeministër i Kosovës. Të mërkurën, në Këshillin e Përgjithshëm ai mori besimin e partisë së tij, Lëvizjes Vetëvendosje që t’i prijë garës në zgjedhjet e 28 dhjetorit. Kurti që qeveris me Kosovën për gati pesë vjet, para bashkëpartiakëve tha se këto zgjedhje nuk ishin dëshirë e tij. Jemi para zgjedhjeve të reja, pa dëshirën time dhe pa vullnetin e Lëvizjes sonë, por si pasojë e refuzimit nga subjektet tjera për të pasur çfarëdo bashkëpunimi me neve 31:47 Tutje, Kurti i ka bërë përgjegjesë ish-opozitën, për krizën politike në Kosovë, duke thënë që refuzuan cdo zgjidhje që ofroi Lëvizja Vetëvendosje. Kurti po ashtu tha se ish-opozita po sinkronizohet me Listën Serbe. Përputhja në votime e opozitës kosovare me Listës Serbe, për besë është e frikshme. Nuk po ndodh ky sinkronizim vec në Kuvend të Republikës ku votonin kundër meje, kundër Glaukut, kundër Albulenës, e vec vrene me kujdes, kur vinte në pyetje Lista Serbe, maksimumi i kundërshtimit të tyre është abstenimi 01:05:03 Zgjedhjet e 28 dhjetorit në Kosovë janë të parakohshme pas dështimit për formimin e qeverisë nga Lëvizja Vetëvendosje dy herë radhazi. Deri më tani, Partia Demokratike e Kosovës ka nominuar Bedri Hamzën për kandidat për kryeministër, Lidhja Demokratike e Kosovës ka nominuar Lumir Abdixhikun e partitë e tjera pritet t’i zyrtarizojnë kandidaturat.