Komisioni Qendror i Zgjedhjeve ka nxjerrë rezultatet preliminare të zgjedhjeve të parakohshme të 28 dhjetorit. Me 97, 11% të të dhënave të procesuara, prin Lëvizja Vetëvendosje, pasohet nga Partia Demokratike e Kosovës. Lidhja Demokratike e Kosovës është e treta dhe e katërta parti shqiptare që siguron përfaqësim në Kuvend është Aleanca për Ardhmërinë e Kosovës. DEK Kreshnik Radoniqi, kryetari, Komisioni Qendror i Zgjedhjeve Sipas këtyre të dhëna, Lëvizja Vetëvendosje do ta ketë shumicën parlamentare duke siguruar 56 deputetë, PDK merr 23 ulëse, LDK 15 dhe AAK 6, ndërkohë që NISMA Socialdemokrate nuk e kaloi pragun prej pesë përqind për përfaqësim në parlament. Krahasuar me zgjedhjet e 9 shkurtit të këtij viti, Vetëvendosje rritet për 8 mandate, PDK tkurret me një e zvogëlimin më të madh do ta ketë LDK-ja që nga 20 ulëse tkurret në 15. Për AAK-në, është hera e parë që për më pak se një përqind e kalon pragun. Për të arritur deri te rezultatet përfundimtare, duhet të numërohen edhe votat nga diaspora, të personave me nevoja të vecanta dhe votat me kusht.