Disa shpërthime janë raportuar në komunën e Zubin Potok të Mitrovicës në veri të Kosovës, ndërsa një granatë dore është gjetur brenda objektit. Mediat serbe kanë raportuar se anëtarët e Komisionit Zgjedhor Komunal kanë hyrë ‘me forcë’ në objektin e komunës së Zubin Potokut, të shoqëruar nga zyrtarë të Policisë së Kosovës. Kjo sipas tyre ka bërë që të shpërthejë rebelimi nga disa qytetarë. Policia e Kosovës dhe EULEX ndodhen pranë zyrave të Kuvendeve Komunale Zgjedhore në Mitrovicë të Veriut. Zyra e Komisionit Qendror të Zgjedhjeve në Mitrovicën e Veriut është sulmuar nga persona të panjohur, mbrëmjen e së hënës së pesë dhjetorit. Në komunikatën e Policisë thuhet se Komisioni Qendror i Zgjedhjeve (KQZ), bazuar në Kushtetutën dhe ligjet e vendit, duke u bazuar edhe në bashkëpunimin ndërinstitucional i ka bërë kërkesë Policisë së Kosovës për asistencë rreth përgatitjeve për mbajtjen e zgjedhjeve lokale në komunat në veri të vendit.