Tel Avivi është vënë në shënjestër të tre sulmeve të njëpasnjëshme, që kanë shkaktuar alarm në qytetin izraelit. Sipas informacioneve paraprake, fillimisht është raportuar për një dron që ka hyrë në hapësirën ajrore, ndërsa më pas janë lëshuar edhe raketa drejt zonës. Autoritetet izraelite aktivizuan menjëherë sistemet e mbrojtjes ajrore, ndërsa sirenat e alarmit u dëgjuan në disa pjesë të qytetit. Sipas raportimeve nga vendngjarja, raketat janë interceptuar dhe kanë rënë në det, duke shmangur dëme në zonat e banuara. Gazetari i Top Channel, Artur Bibe, i cili ndodhet në Tel Aviv, ka siguruar pamje video nga momentet e sulmit dhe reagimin e sistemit të mbrojtjes ajrore. Deri më tani nuk raportohet për viktima, ndërsa situata në qytet mbetet e tensionuar dhe nën monitorim të vazhdueshëm nga autoritetet.