Pas një viti, Prokuroria Speciale ka ngritur aktakuzë për sulmin terrorist në kanalin e Ibër-Lepencit. Dragisha dhe Jovan Viçentijeviq ngarkohen me veprën penale "rrezikimi i rendit kushtetues me shkatërrimin apo dëmtimin e instalimeve publike” në lidhje me “Kryerjen e veprës terroriste”. Sipas aktakuzës, më 29.11.24 në fshatin Varagë, në pjesën e kanalit “Ibër Lepenc” , të pandehurit Jovan dhe Dragisha Viçentijeviq, së bashku me disa persona të tjerë ende të panjohur, pas një marrëveshje paraprake, kanë vendosur eksploziv (rreth 20 kilogram të llojit Trinitrotoluene “TNT”) në brendësi të kanalit.