Një adoleshent akuzohet se ka shkaktuar me dashje daljen e trenit nga shinat për ta regjistruar dhe postuar në YouTube. Djalit 17-vjeçar iu konfiskua celulari dhe regjistruesi dixhital 4k pasi u hap një hetim në lidhje me këtë incident në në Bennet, Nebraska. Në incidentin e 21 prillit, dy lokomotiva dhe pesë makina hekurudhore dolën nga shinat. Një konduktor i trenit i tha se lokomotiva po udhëtonte në drejtim të lindjes dhe po i afrohej një vendkalimi kur u përball me një ndërprerës të gabuar. Drejtuesi tha se ai u përpoq të bënte një ndalesë emergjente para se të arrinte në vendin e kalimit, por nuk mundi dhe treni u përplas. Hetuesit më vonë zbuluan se një bllokues çelësi mungonte. Tre ditë pas përplasjes nga kamerat e sigurisë u pa një automjet i vitit 1996 në zonë dhe adoleshentin 17-vjeçar duke ecur në skajin jugor të shinave.