Një 44-vjeçar shqiptar u zbulua nga baza ndërkombëtare e të dhënave të ADN, për një ngjarje të ndodhur në vitin 2008 në Mesinia të Greqisë, që lidhet me kultivimin e kanabisit. Në atë kohë, një plantacion i veçuar në zonën e Trifilisë u identifikua me 1790 fidanë kanabis. Rasti mbeti i pazgjidhur dhe 16 vjet më vonë, autoritetet e Mbretërisë së Bashkuar e arrestuan shqiptarin kur ADN e tij u identifikua në bazën e të dhënave të mbajtur nga forcat policore ndërkombëtarisht. Hetimet e Prokurorisë së Narkotikëve dhe Departamentit të Hetimeve Penale të Kalamatës dhanë frytet e tyre me identifikimin e 44-vjeçarit për plantacionin 16 vite më parë. Sipas policisë greke “në lidhje me zbulimin e një plantacioni në fjalë në Mesini ne vitin 2008, në kuadër të eksplorimit nga ajri të zonave të dyshimta me përdorimin e mjeteve ajrore të policisë dhe sekuestrimin e një totali prej 1790 fidanë kanabis, gjithashtu, në kuadër të hetimeve të vazhdueshme policore të kryera, u arrit të identifikohej një kultivues. Kështu, falë provave të duhura e kombinuara, si dhe rezultatit të metodave fizike dhe shkencore, u identifikua 44-vjecari shqiptar, i cili ishte aktiv në kultivimin e bimëve të kanabisit dhe tashmë ndodhet i burgosur në një qendër paraburgimi në Mbretërinë e Bashkuar”.