Situata epidemiologjike me COVID-19 mbetet e qetë në Kosovë, pavarësisht se u krijua një shqetësim gjatë ditëve të fundit për një rikthim të mundshëm të virusit që më 2020 mbylli të gjithë botën. 67 raste u konfimruna pozitive dhe një person humbi jetën nga virusi. Por drejtori i Klinikës Infektive, Arben Vishaj pohoi për KosovaPress se pavarësisht këtyre shifrave nuk ka asnjë arsye për panik. “Kemi numër të rëndomtë të infektuarve, kemi një pacient i cili është infektuar me COVID-19 dhe ai ka një sëmundje tjetër kronike dhe ka rënë në kontakt me virusin e COVID-19, pra është një situatë e qetë epidemiologjike dhe asgjë diçka risi në këtë drejtim nuk ka... Ne kemi pasur një pacient i cili ka përfunduar me fatalitet por paraprakisht ka pasur sëmundje malinje, stadi terminal i sëmundjes, dhe nuk mund të themi që shkaktari drejtpërdrejt ka qenë infeksioni me COVID-19”