Një kartel droge në Brazil u çmontua pas një operacioni ndërkombëtar të ndërmarrë nga ana e autoriteteve ligjzbatuese. Aksioni u shtri në Spanjë, Portugali dhe Brazil ndërsa u mbështet nga Europol. Si rrjedhojë, u arrestuan 24 persona si dhe u sekuestruan drogëra të llojeve të ndryshme në cilësinë e provës materiale. Karteli, kishte arritur të krijonte lidhje të forta me shumë grupe të ndryshme kriminale që operonin në vendet e Amerikës latine dhe përmes tyre bënte të mundur dërgimin e sasive të mëdha të kokainës drejt kontinentit europian; duke u bërë kështu një nga furnizuesit më të mëdhenjtë të këtij tregu të jashtëligjshëm. Droga, sipas Europol, pasi blihej nga prodhuesit brazilian ngarkohej në kontejner e më pas nisej drejt porteve të Portugalisë e Spanjës, ku merrej nga grupet kriminale që operonin në këto vende e më pas shpërndahej për t’u shitur. Hetimet ndaj kësaj sindikate krimianle, nisën në qershor të vitit 2022 ku në portin e Sines, në Portugali, u kapën në një kontejner me manaferra të ngrira 800 kilogramë kokainë. Për identifikimin e gjithë anëtarëve të këtij karteli, Europol angazhoi në Brazil 2 agjentë. Ndërkohë gjatë bastisjeve të kryera në Spanjë e Portugali, policia gjeti dhe 73 kilogramë metamfetaminë, 5 armë zjarri dhe mbi 116 000 euro cash.