Ne Universitetin “Eqerem Çabej” të Gjirokastrës ka nisur zyrtarisht viti i ri akademik, duke sjellë në auditore rreth 400 studentë të rinj, të cilët kanë zgjedhur të vijojnë studimet e larta në këtë institucion të arsimit publik. Megjithatë, sfidat për universitetin mbeten të pranishme, sidomos në drejtimet e mësuesisë, ku një pjesë e degëve janë në rrezik mbylljeje për shkak të interesit në rënie dhe numrit të ulët të regjistrimeve.