Mesnatën e kaluar në qytetin bregdetar të Durrësit, një automjet tip Mercedes Benz, i drejtuar nga një 22-vjeçare nga Durrësi, teksa lëvizte me shpejtësi tej normave të lejuara në “Rrugën e Dëshmorëve”, një nga rrugët kryesore të qytetit bregdetar që lidh Urën e dajlanit me Mauzoleumin e Dëshmorëve ka dalë jashtë rruge. Fillimisht automjeti u përplas me një automjet të parkuar buzë rrugës dhe më pas u ngjit në trotuar ku u përplas me një nga pemët dekorative dhe qepenin e një biznesi. Gjithçka ka përfunduar në hyrjen e një pallati. Fatmirësisht nuk pati të lënduar. Kamerat e sigurisë kanë fiksuar këtë aksident që mund të kishte rezultuar fatal.