Të gjithë individët apo dhe familjet që kanë aplikuar në programin e strehimit social mund të përfitojnë në total gjithësecili deri në 16 mijë euro. Nga përmirësimi I kushteve të banimit por dhe në komunitet, drejtoresha e programit të strehimit social pranë ministrisë së ekonomisë, Dardana Grabova tregon për Top Channel përfitimet që do të kenë familjet më në nevojë nëpërmjet këtij projekti. “Janë termat e referencës të cilat miratohen me urdhër ministri, masa që përfitojnë familjet janë në varësi të numrit sipërfaqes së banesës apo dhe kategorisë sociale që i përkasin. Masa fillon nga 8 mijë euro deri në 16 mijë euro Punimet që konsistojnë janë përmirësim catie rikonstruksioni, përmirësim hidrosanitare, eficenc kapot, punime teknike ndërtimore që janë evidentuar si problematika në atë banesë.” Sipas drejtoreshës së strehimit social të gjitha familjet mund të palikojnë online për këtë program, ndërsa krahasuar me një vit më parë nevoja është dyfishuar. “Të përfitosh nga programi duhet të kesh një banesë me këto probleme. Qytetari aplikon nëpërmjet e albania dhe këtë e gjeneron bashkia për të dhënat. Mblidhen aplikimet bëhet një projekt i vetëm në momentin që hapen thirrjet bashkia aplikon në ministri. Shpallim thirrjen zgjedhim përfituesit dhe kalojmë fondet në bashki.” Janë 1253 familje të 35 bashkive që kanë shprehur nevojën e këtij shërbimi në 2025. “Kemi patur një rritje të aplikuesve që do të thotë se jemi në dyfishim të aplikuesve dhe përfituesve krahasuar me vite me parë.” Familjet në nevojë, nëna kryefamiljare, të moshuar, të vetmuar, emigrantë të rikthyer janë kategoritë që und të përfitojnë nga programet e strehimit social.