Jared Kushner, biznesmeni dhe investitori amerikan dhe njëkohësisht ish këshilltari i vjehrrit të tij Donald Trump në Shtëpinë e Bardhë, konfirmoi të premten se po mbyllte disa marrëveshje të mëdha me Shqipërinë dhe Serbinë për të investuar në fushën e turizmit. Investim ky që po tregon se familja e ish-presidentit Trump, I cili po rikandidon për t’u rikthyer sërish në shtëpinë e bardhë, po vendos të bëj biznes në Ballkan. Kushner dha një intervistë për Bloomberg ku deklaroi se në planet e tij të investimit përfshihen resortet turistike në ishullin e Sazanit, I cili shërben si bazë ushtarake por që nuk është I banuar. "Ne jemi shumë të emocionuar," tha Kushner. “Ne nuk i kemi finalizuar këto marrëveshje, kështu që ato mund të mos ndodhin, por ne kemi punuar shumë dhe jemi shumë afër.”, shtoi ai. Ishulli I thyer, I cili ka qindra bunker dhe tunele nga koha e komunizmit, u vizitua verën e kaluar nga çifti Jared Kushner dhe Ivanka Trump. Ata u shoqëruan nga kryeministri Edi Rama ndërsa panë nga afër të gjitha bukuritëe e zonës së jugut. Ndërkohë investimi tjetër do të kryhet në zonën e Zvërnecit. Sipas planit të Kushner, në Zvërnec do të ndërtohen mijëra njësi akomodimi në funksion të turizmit, ndërsa në ishullin e Sazanit do të ngrihen njësi akomodimi luksoze të markës Aman. Investimet përfshijnë disa hotele dhe qindra vila. Për zhvillimin e këtyre projekteve, ai thotë se do të investojë 1 miliardë dollarë amerikanë. Investimet do të kryhen nëpërmjet kompanisë me seli në Majemi, Affinity Partners me mbështetjen nga vendet arabe. “Sazani është një nga bregdetete më unikë që kam parë ndonjëherë në botë”, thotë Kushner, që planin e investimit për në Shqipëri e ka hartuar bashkë me ish ambasadorin amerikan në Gjermani, Richard Grenell. Intervista e dhëndrit të Donald Trump, Jared Kushner për Bloomberg gjithashtu përmban edhe foto nga projektet që presin të zbatohen. Ky do të jetë një nga investimet më të mëdha në Shqipëri, dhe që pritet ta çojë vendin drejt turizmit elitar. Një premtim ky I bërë na kryeministri edi rama, I cili ka pohuar se tashmë vendi duhet të fokusohet drejt turizmit elitar dhe jo atij loë cost.