Vëmendje tek zgjedhjet, por edhe tek stërvitja gjigande ushtarake Defender 21: ambasadorja amerikane në Tiranë, Yuri Kim ndau me ndjekësit në profiling e saj në Tëitter foto të anijes USNS Bob Hope, e cila mbërriti në Durrës. “Defender 21, stërvitja më e madhe ushtarake në Ballkanin Perëndimor, nis zyrtarisht sot. Shumë e kënaqur të shoh USNS Bob Hope që mbërriti në Durrës. Ajo është një anije furnizimi që mban mbi 800 pasije të cilat do të përdoren në manovra. Dy anije të tjera do t`i bashkohen. Amerika dhe Shqipëria krah për krah”, ka shkruar ambasadorja. Defender Europe 21” zhvillohet nga data 1 maj deri më 14 Qershor, duke përfshirë dhe vende të tjera të rajonit të Ballkanit dhe Detit të Zi. Stërvitja, në të cilën janë parashikuar të angazhohen 17 mijë trupa amerikane dhe 14 mijë të tjera nga 26 vende anëtare të NATO-s, drejtohet nga Komanda e Ushtrisë Amerikane në Europë. Fakti që Shqipëria do të jetë vend kryesor pritës për veprimtaritë e shumta ushtarake që po afrojnë, kjo konsiderohet se përforcon rëndësinë strategjike të saj në rajon, sic pohonte përpara pak kohësh edhe gjeneral Major Joseph Jarrard, Zëvendës Komandant i Ushtrisë së Shteteve të Bashkuara në kontinentin e vjetër.