Presidenti i Kosovës , Hashim Thaçi në një konferencë për mediat tha se marrëveshja e Kosovës me Serbinë në Shtëpinë e Bardhë ishte një hap shumë i madh përpara në procesin e dialogut me Serbinë. Ai tha gjithashtu se ranë poshtë të gjitha ato zëra që folën për thika, harta e ndarje të Kosovës në Shtëpinë e Bardhë. “Hasëm në akuza pengesa konspiracione nga shumë në marrëveshjen me shtëpinë e bardhë, por u pa se këto ishin të rrejshme dhe paragjykuese. Projektet që do bëhen, vendet e punës, sikurse dhe fati i personave të pagjetura kanë qenë synimi ynë. Dëshmia më e mirë e kësaj është zotimi që ka marrë Kosova në këtë luftë, synimi është paqja dhe stabiliteti në rajon. Shprehim konsideratën maksimale për Trump që konkretizoi atë se çfarë pritet të mbarojë më njohjen reciproke nga Serbia.