Thaçi në Berlin: BE-ja me standarde të dyfishta
06/12/2019 19:37

Presidenti i Republikës së Kosovës, Hashim Thaçi, në konferencën e organizuar nga Instituti “Lindje-Perëndim” foli për procesin e dialogut ndërmjet Kosovës dhe Serbisë. Presidenti Thaçi deklaroi se pikërisht kur po mbahej samiti i NATO-s në Londër, Presidenti i Serbisë udhëtoi për në Rusi dhe ky është mesazh i orientimit të tyre. “Ky është mesazh për orientimin e Serbisë. Po ashtu, gjatë ditës së djeshme kemi dëgjuar deklarata nga liderët serbë, duke i mohuar krimet dhe gjenocidin në Kosovë”, tha presidenti Thaçi. Kreu i shtetit shtoi në Berlin se marrëdhëniet e Kosovës me Serbinë nuk ndikojnë vetëm në rrafshin bilateral, por edhe në stabilitetin e rajonit dhe të BE-së. Duke folur për perspektiven euroatlantike të shteteve të Ballkanit Perëndimor, presidenti Thaçi ka theksuar se Kosova duhet ta marrë liberalizimin e vizave sa më shpejt të jetë e mundur. “Këtë nuk e shohim si dhuratë, por është diçka që Kosova e meriton dhe ka plotësuar kriteret për ta marrë. Së dyti, hapja e negociatave me Maqedoninë e Veriut dhe Shqipërinë duhet të bëhet në të ardhmen e afërt. Bllokimi i negociatave ishte mesazh i keq për gjithë Ballkanin Perëndimor”, u shpreh presidenti Thaçi. Para shumë përfaqësuesve shtetërorë të SHBA-së, BE-së dhe shoqërisë civile, presidenti Thaçi ka thënë se po shohim se BE-ja ka standarde të dyfishta. “Derisa Kosova bllokohet në liberalizim dhe Maqedonia me Shqipërinë bllokohen në hapjen e negociata, Serbisë i premtohet hapje e kapitujve të rinj. Shohim pra që ata që shpërblehen janë ata që shantazhojnë BE-në me raportin me Rusinë”, tha ai. Sipas presidentit Thaçi, kur kanë nisur bisedimet në vitin 2012, një nga rregullat e pashkruara ka qenë që s’do ta kushtëzojmë procesin, kurse tani taksa po përdoret për ta kushtëzuar dialogun. “Si të lëvizim përpara? Nga eksperienca në procese deri më tash dua t’i përmend dy gjëra. E para, uniteti i shteteve të Kuintit, i cili është kyç që të vazhdojmë përpara me procesin. Dhe e dyta, koordinim i plotë SHBA dhe BE, edhe pse as ky koordinim nuk bën shumë punë kur vende të Bashkimit Evropian nuk lodhen se çka vendos BE. Disa prej tyre, madje shkaktojnë edhe shumë konfuzion në shtetet tona, si tek politikanët, ashtu dhe te qytetarët.” Ai ka shtuar se këto janë kushtet për ta rinisur procesin dhe për arritjen e marrëveshjes finale, derisa dialogu dhe marrëveshja përfundimtare, sipas tij, nuk kanë alternativë për stabilitetin e Ballkanit. Presidenti Thaçi ka folur edhe për procesin zgjedhor në Kosovë dhe përpjekjet për krijimin e një qeverie të re. Ai ka thënë se Kosova ka kaluar suksesshëm një test të demokracisë, pa marrë parasysh rezultatin zgjedhor. “Partia fituese duhet të fillojë me formimin e qeverisë. Dua të theksoj se çdo proces me Serbinë do të trajtohet në nivel të dy shteteve sovrane dhe me konsensus politik në Kosovë. Unë jam president dhe do të investoj në arritjen e konsensusit të brendshëm në Kosovë. Polarizimet nuk ndalen në sistem pluralist, por ka ardhur koha që të kemi një pako të prioriteteve në mes të pozitës dhe opozitës, që në këto çështje të mos ketë dallime.” Kreu i shtetit është zotuar se si presidentit i vendit do ta luajë rolin e tij për unifikimin e skenës politike.

Top News- Serbia plan për të sulmuar Kosovën, e konfirmon dhe Osmani: Trump i qartë
10/07 22:13
Top Channel/ I morën jetën 27 vjeçarit, zbardhet dëshmia e policëve në Kosovë
10/07 20:19
Top Channel/ Momenti kur nxirret nga liqeni makina e 23-vjeçarit që u gjet i pajetë
10/07 20:06
Top News- Çfarë ndodh pas 26 korrikut! Djegia e mandateve të deputetëve dhe roli i Osmanit
10/07 15:08
Top Channel/ DASH nis zytarin e lartë në Kosovë: Hanrahan shkon edhe në Serbi e Bosnje!
10/07 13:58
Top Channel/ Rasti shokues i 27 vjeçarit, jep dorëheqjen drejtori i policisë në Lipjan!
10/07 13:53
Top Channel/ Kuvendi i Kosovës, 26 korriku afati i fundit? Cfarë ndodh nëse nuk zbatohet!
10/07 11:54
Top News- Pesë policët e akuzuar për vr*sje/ Avokati i familjes së viktimës nuk lejohet në seancë
09/07 19:49
Top Channel/ Policët që i morën jetën 27-vjeçarit! Gjykata merr vendimin
09/07 19:49
Top News-Vijon ‘seriali’ me konstituimin e Kuvendit/Dështon edhe seanca e 44-t, opozita akuza Kurtit
09/07 17:32
Top Channel/ I morën jetën 27-vjeçarit, dalin para gjykatës policët në Kosovë
09/07 15:41
Top Channel/ Ngjarja e 27 vjeçarit, “tërbim” në Kosovë: Kërkohet dorëheqja e ministrit Sveçla!
09/07 15:05
Top News- Vr*sja e 27-vjeçarit në Lipjan/ Policia e Kosovës jep detaje pas 24 orësh
09/07 12:49
Top News- Kurti i ashpër me policët e akuzuar: Nuk ka strehë për askënd që tejkalon kompetencat
09/07 12:40
Top Channel/ I riu humbi jetën në Lipjan, Vjosa Osmani: Duam transparencë të plotë!
09/07 11:10
Top News- Kosovë, qytetari ndërroi jetë gjatë ndalimit/Arrestohen 5 policë për vr*sje nga pakujdesia
08/07 14:54
Top News- Kuvendi po i kushton Kosovës / Gjysmë milioni euro shpenzime pa nisur punën
08/07 12:29
Top Channel/ 27 vjeçari, i pajetë më pranga në duar: Arrestohen pesë policë të Kosovës!
08/07 10:56
Top Channel/ Kosovë, kostoja e Kuvendit: Gjysëm milionë euro “pa asnjë ditë të plotë pune”!
08/07 10:54
Top News- Përplasjet për urat mbi Ibër/ Lista Serbe kundërshton ndërtimin e tyre, nis peticionin
07/07 18:00