Prej 5 vitesh, banorët e një pallati në rrugën e Dibrës jetojnë nën një çati të çarë, të shembur nga tërmeti i 2019. Çdo shi përmbyt shtëpitë e tyre: kuzhina jashtë përdorimit, mure të mykura, suva të rënë, instalime elektrike në rrezik dhe dhoma që pikojnë ditë dhe natë. Banorët thonë se janë lodhur duke jetuar mes lagështisë dhe frikës, ndërsa institucioneve u janë dashur vite për të lëvizur. Fiks Fare kthehet në terren, përballet sërish me problemin dhe kërkon zgjidhje te Bashkia e Tiranës. Zyra e emergjencave jep përgjigjen: projekti është miratuar dhe punimet pritet të nisin brenda 2–3 muajsh.