Ditën e sotme, ministri i Rindërtimit, Arben Ahmetaj dha në një konferencë të përbashkët me ministrin turk të Mjedisit dhe Urbanizimit, Murat Kurum, ku ky i fundit dha detaje për projektin e ndërtimit të 500 banesave. Tërmeti i fuqishëm i 26 nëntorit, krahas 51 viktimave solli edhe dëme të shumta materiale; shumë godina u shembën dhe të tjera u shpallën të pabanueshme. Ndër të tjera, Kurum u shpreh se Shqipëria është gjithnjë në fokusin e presidentit Erdogan dhe se Turqia e konsideron si një detyrë vëllazërie për të ndihmuar në këtë situatë. “Kemi vënë në dispozicion rreth 1500 çadra për familjet e prekura. Kemi marrë hapat e nevojshëm për ndërtimin e 500 banesave. Ekipet tona kanë ndihmuar dhe në procesin e rivlerësimit. Duam që këto ndërtesa t’i bëjmë sa më shpejt. Së shpejti do të nënshkruajmë protokollin e bashkëpunimit me kryeministrin Rama.”