Shtëpi të përmbytura, pasuri të shkatërruara dhe familje të lëna në mëshirë të fatit. Në shumë zona të vendit, përmbytjet kanë goditur gjithçka, por ndihma mungon. Qytetarët tregojnë se, pavarësisht thirrjeve të vazhdueshme, askush nuk ka shkuar t’i ndihmojë. Në këtë situatë të rëndë, Fiks Fare bëhet strehë e fundit për qytetarët që nuk kanë gjetur zgjidhje nga institucionet. Banorë nga zona të ndryshme denoncojnë neglizhencën, heshtjen dhe mungesën totale të reagimit, ndërsa pasojat e përmbytjeve vazhdojnë të rëndojnë mbi jetën e tyre.