Parlamenti u kthye në punë. Shkallët i ngjitën sërish edhe ata që nga shtatori nuk do të jenë më pjesë e tryezave vendimarrëse. Në Kuvend u rikthyen edhe demokratët. Jo me protesta. As me pankarta. Por me një plan: të denoncojë ato që ata i cilësojnë krimet zgjedhore të 11 majit. Këtë strategji të demokratëve, mazhoranca e ndaloi menjëherë. Kërkesa për debat jashtë rendit të ditës u rrëzua me votë. Ajo që u pa sot me gjasë do të jetë edhe panorama e Parlamentit të ri që do të nisë nga shtatori, me ndryshimin se një pjesë e madhe e aktorëve politikë kryesisht në rradhët e mazhorancës do të jenë rifreskuar. Edhe pse kanë folur për hapa ekstretë deri tek greva e urisë, demokratët nuk kanë asnjë vendimarrje konkrete për të ashpërsuar qëndrimet e tyre ndaj institucioneve.