Dalin detaje të reja nga plani i një adoleshenti para se të vriste shtatë vajza dhe një djalë - të moshës 11 deri në 14 vjeç dhe një roje në një shkollë të Beogradit. Hetimet kanë nxjerrë se ai ka bërë një "listë vrasjesh" horror përpara se të vriste tetë fëmijë në shkollën e tij. Nxënësi Kosta Keçmanoviç, 13 vjeçar, me të gjitha 10-ta shkoi me dy armë, katër bomba molotov dhe një "listë" nxënësish që donte t'i vriste. Shkak, zemërimi ndaj mësueses së historisë që i kishte vënë notë jokaluese. Nxënësi kishte planifikuar sulmin për një muaj dhe mori me vete një "listë", e cila përmbante detaje se si të hynte në çdo klasë dhe dhe cilët fëmijë të "likuidoheshin". Arma e krimit i përkiste të atit, ndërkohë që pas ngjarjes dy prindërit janë arrestuar. Sulme të tilla me armë edhe pse përcillen gjerësisht nga mediat e Ballkanit Perëndimor kur ato ndodhin në SHBA, në rajonin tonë janë të rralla, për të mos thënë inekzistente. Keçmanoviç u arrestua në oborrin e shkollës dhe gjatë kësaj kohë i tha policëve: “Unë jam psikopat”. (Ardi Pulaj)