AKSHI është institucioni i radhës për të cilin SPAK ka vendosur nën akuzë emra të rëndësishëm nga ana e biznesit, drejtues institucionesh, apo dhe zyrtarë policie. SPAK urdhëroi masa sigurie ndaj 8 personave në kuadër të hetimeve për tendera të lidhura me Agjencinë Kombëtare të Shoqërisë së Informacionit. Drejtuesja e institucionit, Mirlinda Karccanaj, dhe nëndrejtoresha, Hava Delibashi janë dërguar në arrest shtëpie. Pezullim nga detyra dhe nuk lejohet të dalë nga vendi nëndrejtori i Policisë së Tiranës, Erion Ismaili. Ai akuzohet për konkurrencë të paligjshme nëpërmjet dhunës. Veprimtaria e 8 personave konsiderohet si grup i strukturuar kriminal. Ismaili është zyrtari më i lartë i policisë që merr akuzë nga SPAK gjatë kohës që e ushtron detyrën.