Dikur pastrimi i ambienteve të përbashkëta të pallateve bëhej një herë në javë me punë vullnetare ku angazhoheshin të gjithë banorët e pallatit, që nga më të moshuarit e deri tek fëmijët e vegjël. Ndërsa për difektet apo rinovime përgjigjej shteti. Pas viteve '90 kryesisht në Tiranë por dhe në qytete të tjera të mëdha nisi bumi i ndërtimeve, dhe lëvizje e njerëzve në zona të ndryshme. Në momentin kur qytetari ble pronën nga kompania ndërtuese bashkë me sipërfaqen e brendshme të shtëpisë në çmim ka dhe një kuotë m2 për sipërfaqen e përbashkët. Sot ka komplekse të mëdha banimi për të cilat duhet edhe administrimi i ambienteve të përbashkëta. Aktualisht, sipas ligjit të vitit 2009 “Për administrimin e bashkëpronësisë në ndërtesat e banimit” është rregulluar mënyra e menaxhimit, por ka vështirësi në zbatim në terren.