Inteligjenca Artificiale po fiton gjithmonë e më shumë terren në sferat e jetës njerëzore. Ajo ka ndërhyrë pothuajse kudo, e së fundmi duket se po merr edhe vendimet se cili vend në Gaza duhet të bombardohet nga Izraeli dhe cili jo. Sipas një raportimi nga media izraelite +972, Inteligjenca Artificiale përdoret nga ushtria izraelite në 3 mënyra. Një nga sistemet që përdoret quhet "The Gospel" (Ungjilli). Ky sistem u tregon ushtarëve godinat që duhet të sulmojnë në Gaza ku sipas tij ndodhen militantët e Hamasit, për të cilët Izraeli është zotuar se do t'i zhdukë. Sistemi tjetër quhet Levandër dhe përmban brenda tij të dhënat e të gjithë njerëzve të Hamasit. Ai merret më pas me lokalizimin e tyre duke i zbuluar nëpërmjet kamerave që kontrollohen kudo janë vendosur, por edhe bisedave telefonike. Gjithashtu ai nëpërmjet gjenerimit të këtyre të dhënave zbulon edhe militantët e tjerë potencialë. Sistemi i tretë quhet "Ëhere's Daddy?" dhe ka si detyrë të gjurmojë lëvizjet e militantëve. Ata presin deri sa të shkojnë në shtëpinë e prindërve, për t'i bombarduar më pas sepse është më e lehtë t'i bombardosh në shtëpi se sa në zonat ushtarake. Gazetar: Orest Floku