Një ngjarje tepër e rëndë është regjistruar paraditen e djeshme në qendër të Fierit. 19-vjeçari Grei Bihuci u godit për vdekje me thikë nga Florjan Muka ( 18 vjec ). Sipas të dhënave, sherri mes tyre nisi në rrjete sociale dhe më pas degradoi në përleshje fizike, ku ndodhi edhe goditja me thikë. Sipas dëshmitarëve, konflikti nisi poshtë urës Gjanica në Bulevardin “Jakov Xoxa”. Në përpjekje për të shpëtuar, 19-vjecari eci disa metra i plagosur derisa ka përfunduar i shtrirë në mes të rrugës. Shoku i viktimës Olti Serjanaj 20 vjeç, i cili ndërhyri për ta shpëtuar, mbeti i plagosur dhe ndodhet në spitalin e Fierit, fatmirësisht jashtë rrezikut për jetën. Pas ngjarjes, policia ndaloi autorin i cili u dërgua në komisariat për t’u marrë në pyetje. Gazetar: Kristo Kote Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj