Në Laknas të Kamzës prej 3 muaj është asfaltuar rruga "Shkëndia" që e cila gëzoi banorët, por edhe i mërziti njëkohësisht. Në këtë rrugë shtyllat e tensionit të ulët janë lënë pa u zhvendosur, por në mes të rrugës. Madje në njërën prej rrugucave ajo nuk lejon automjetet të futen, për ambulancën dhe zjarrfikëset as që bëhet fjalë. Fiksi u interesua në Bashkinë Kmëz ku ju tha se është detyrë e OSHEE-së për zhvendosjen e tyre, ndërkohë që OSHEE tha për Fiksin që firma që ka asfaltuar rrugën duhet ta kishte në projekt zhvendosjen e shtyllave. Gjithsesi OSHEE Tiranë është e gatshme të japi asisitencë teknike për zhvendosjen e tyre, por kostot duhet t'i mbulojë firma që ka fituar tenderin për shtrimin e rrugës. Pas disa ditësh pasi Fiksi u interesua u ngrit grupi i punës ku punojës të OSHEE-së shkuan në terren pa ndihmën e Bashkisë Kamëz apo firmës që shtroi rrugën duke zhvendosur shtyllën që ishte në mes të rrugës.