Në redaksinë e emisionit Fiks Fare u ankua Kol Ndoj, nga Lezha, i cili thotë se ka një banesë në lagjen “Skëndërbej”. “E kam blerë në vitet ’90 po s’kam jetuar asnjë ditë të vetme.Kam emigruan në Itali dhe shtëpia ka qenë e kyçur .Unë asnjëherë s’kam pasur ujë të pijshëm lidhje në rrjet. S’kam pasur as drita” thotë Ndoj. Më tej shton se ka ardhur disa herë në Shqipëri dhe ka mësuar se atij i shkonte fatura aforfe e konsumit të ujit. “Shkova te Ujësjellësi i Lezhës dhe më thanë se ke për të paguar. Disa vite më parë kisha rreth 2 milionë e pak. U kërkova që të anulonin faturimet pasi s’kisha lidhje. Më thanë po s’pagove ato që ke, nuk t’a heqim. U kërkova që mos të faturonin më, s’pranuan” thotë qytetari. Ai shton se faturimet kanë vijuar dhe aktualisht detyrimet i kanë shkuar në 392 mijë lekë të rinj, ose rreth 4 mijë euro.