Terrorizmi vijon të mbetet shqetësim për inteligjencën dhe antiterrorin shqiptar, edhe në planin lokal, pavarësisht se në vendin tonë nuk ka pasur akte të mirëfillta terroriste. Dy janë organizatat të cilat cenojnë sigurinë, Al Kaeda dhe Shteti Islamik, i njohur si ISIS, si edhe Irani pasi rajoni është i sënjestruar nëpërmjet propagandës, thirrjeve dhe nxitjeve të mbështetësve për akte terroriste. Sipas shërbimit informativ të shtetit, terrorizmi mund të ketë edhe maskë diplomatike, për grumbullime inteligjente e planifikim aktesh terrori. Për këtë arsye në dhjetor të vitit 2018, vendi ynë dëboi ambasadorin iranian në Tiranë, Gholamhossein Mohammadnia dhe diplomatin e kësaj ambasade, Mostafa Roudaki. Ata dyshohet se ishin pjesë e rrjetit që do të sulmonte ambasadën amerikanë në Bagdad, por edhe për faktin që vendi ynë u bë pjesë e kërcënimeve të Ajatollahut, për shkak se strehon rreth 3000 muxhahedinë, anëtarë të opozitës Iranianë në mërgim.