20 persona janë vënë në pranga dhe 10 të tjerë janë shpallur në kërkim, bëri me dije ditën e djeshme vetë Drejtori i Policisë së Tiranës, Tonin Vocaj. Këto arrestime u bënë gjatë fazës së tretë të operacionit “Tempulli” të nisur që në janar 2024, ndërsa u dhanë edhe 5 masa “arrest në burg” për personat e arrestuar më herët. Personat në fjalë, kanë rënë në pranga pas hetimeve 4 mujore, ndërsa shpërndanin drogë në lokalet e natës dhe afër shkollave. Sakaq, janë sekuestruar 3.5 kg kanabis 50 doza heroine, 100 doza kanabis, 27 telefona celular të markave të ndryshme dhe 5 automjete. Të arrestuarit janë kryesisht të rinj, nga mosha 19 vjeç, por mes tyre ka edhe të tjerë më të rritur që shkojnë deri në 46 vjeç. Gazetar: Kristo Kote Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj