Shitja e pa autorizuar e kartave SIM, e konsideruar vepër penale që prej vitit 2014 për shkak të rrezikshmërisë që paraqet, ndodh ditën me diell në qendër të Tiranës. Fiks Fare kreu një vëzhgim disa ditor në në zonën para Bankës së Shqipërisë të njohur si “dollari”,ku tregtarë të ndryshëm të shesin lehtësisht numra telefoni të regjistruar në emër të personave të tjerë dhe të aktivizuar, gati për përdorim. Edhe vetë tregtarët janë të vetëdijshëm për qëllimin pse përdoret “malli” që shesin. Këta numra shiten me një çmimin disa herë më të lartë se sa cmimi i tyre normal. Çmim që varion nga 2 mijë lekë në 6 mijë lekë.Por tek këta tregtarë nuk gjen vetëm karta SIM të kompanive shqitpare, por edhe karta SIM të kompanive italiane dhe angleze. Këto të fundit mund të përdoren vetëm për të aktivizuar rrjetet sociale. Blerja e këtyre numrave sipas nenit 193/d të datës 17/03/2014 ,ëeshtë konsideruar si një vepër penale për shkak të rrezikshmërise që paraqet. Shitja e tyre dënohet me burgim nga tridhjetë ditë deri në gjashtë muaj.