Menjëherë pas trasmetimit të rastit të shitjes së vërtetimeve të origjinës bullgare në Ostren të Dibrës, ka reaguar edhe Policia e Shtetit, ku thotë se strukturat e saj kanë patur informacion për këtë shkelje ligjore , por operacioni i tyre u finalizua pas trasmetimit të rastit në emisionin investigative Fiks Fare. Kështu në njoftimin e tyre thuhet se janë arrestuar 3 shtetas mbi të cilët rëndojnë 3 vepra penale. Në investigimin e tij Fiksi tregoi se si u blenë dy vertëtime të origjinës bullgare në Ostren dhe Bulqizë. Kundrejt 100 mijë lekëve. Të dy vertëtimet u blenë për banorë që nuk kishin lidhje as me Njësinë Administrative Ostren apo me Bashkinë Bulqizë. Të dyja vërtetimet e blera nga Fiksi që përdoren për t'u pajisur me pasaport bullgare u firmosën dhe vulosën nga administratori i Ostrenit, Luan Mjeshtri. Fiksi solli bisedat e para me punonjësinë e Njësisë Administrative Ostren i cili kërkoi 85 mijë lekë për dokumentin, duke përcaktuar se 50 mijë lekë bën vërtetimi dhe 35 noterizimi, madje tek administratori e firmos punonjësi ndaj nuk ka nevojë të shkohet vetë. Paratë punonjësi i merr në zyrën e shtetit dhe vërtetimin e jep për 2 orë të firmosur nga administratori.