Kur në vitin 1997 nisën të lulëzojnë firmat piramidale dhe shumica e shqiptarëve i besuan disa sharlatanëve, institucionet shtetërore heshtën. Një fenomen që është denoncuar qysh në vitin 2020 por nuk është ndalur dot nga drejtësia dhe nga institucionet përgjegjëse. Por cila është origjina e këtyre kompanive problematike. Në vitin 2015, kreditë me probleme arritën në mbi 25% të totalit të kredive, duke cënuar sigurinë e bankave dhe kursimet e qytetarëve. Për të adresuar këtë situatë, qeveria dhe Banka e Shqipërisë miratuan “Planin Kombëtar për Reduktimin e Kredive me Probleme”. Ky plan përfshinte rregullimin dhe licencimin e subjekteve që merreshin me blerjen e kredive me probleme. Një prej këtyre kompanive është Micro Credit Albania e njohur në shit-blerjen e kredive të këqija prej rreth 8 vitesh. Në një skemë abuzimi, duke bllokuar pronat, MCA ka përdorur masa shtrëngimi duke i detyruar klientët të marrin kredi me kushtet e përcaktuara prej MCA.