Shkoi për dokumente dhe përfundoi në sallë operacioni! Dhuna ndodhi brenda Kadastrës së Dibrës, nga punonjës shtetërorë, por institucionet heshtën derisa Fiks Fare e denoncoi publikisht rastin. Meleq Stojku u dhunua barbarisht, pësoi fraktura të rënda dhe u operua, ndërsa Prokuroria vendosi mosfillimin e procedimit penal, pa kryer ekspertim mjeko-ligjor. Asnjë akuzë, asnjë përgjegjësi penale. Vetëm pas denoncimit të Fiks Fare, Drejtoria e Përgjithshme e Kadastrës reagoi, duke njoftuar nisjen e një “hetimi” administrativ ndaj punonjësve të përfshirë.