Një qytetar denoncoi në “Fiks Fare” një qiparis të kalbur në hyrje të varrezave, i cili rrezikonte jo vetëm kalimtarët, por edhe varret përreth. Gazetarët shkuan në terren dhe konstatuan se pema ishte e lartë, e dëmtuar dhe shumë pranë rrugës, duke u kthyer në një kërcënim real për çdo vizitor. Përveç kësaj, u vunë re edhe disa pemë të tjera të thara në zonë. Punonjësit e varrezave pranuan problemin, por theksuan vështirësitë për ndërhyrje pa dëmtuar varret dhe pa rrezikuar punëtorët. Ata kërkuan ndërhyrjen e specialistëve për zgjidhje të sigurt. Pas interesimit të “Fiks Fare”, situata ndryshoi, qirapisi dhe pemët e tjera u prenë.