Marash Dukaj është sot Ministër i Administratës Publike në Mal të Zi dhe përfaqësues i Forumit Shqiptar, koalicionit fitues të partive shqiptare në zgjedhjet e qershorit 2023, me kryetar Nik Gjeloshajn. Ky koalicion qeveris bashkë me partinë Europa Tani dhe disa subjekte të tjera, shpesh të cilat kanë orientim pro‑serb ose pro‑rus. Për shqiptarët në Mal të Zi, pjesëmarrja në qeveri nuk ka qenë thjesht simbolike, ata vendosën kushte konkrete që duhej të respektoheshin nga partnerët pro‑serbë për të siguruar përfaqësim të drejtë dhe mbrojtje të interesave të komunitetit.   Si ministër i Administratës Publike, Dukaj ka rol kyç në reformën e administratës, që është pjesë e Cluster 1 të negociatave me Bashkimin Europian: digjitalizimi i shërbimeve publike, transparenca, mbrojtja kibernetike, standardet e prokurimeve dhe menaxhimi i institucioneve lokale. Ky rol e vendos Dukajn dhe Forumit Shqiptar në një pozicion strategjik për shqiptarët në Mal të Zi, duke ndikuar jo vetëm në politikën e brendshme, por edhe në bashkëpunimin me Shqipërinë dhe Kosovën, si dhe në mbështetjen e integrimit euro‑atlantik të vendit. Por sfida mbetet: a mund të ruajnë shqiptarët në Mal të Zi ndikimin e tyre politik dhe të avancojnë reformat kyçe, pavarësisht përplasjeve me partnerët pro‑serbë dhe presionet rajonale?