Në datën 26 shkurt 2025, Fiksi transmetoi problematikat me Bulevardin "Jakov Xoxa' në Fier, i cili hante vetëm para. Emisioni denoncoi se, në vitin 2014 Bashkia e Fierit akordoi 2.3 milionë euro, ku do bëheshin edhe të gjitha punimet, kanalet e ujërave të zeza, të bardha, trotuare, pllaka apo edhe asfalt. 10 vite më pas, Bashkia e Fierit bëri një tjetër tender kësaj herë me objekt “Ndërtimi i kolektorit të ujërave të zeza Bulevardi ‘Jakov Xoxa’”, me një fond 365 mijë euro. Tenderi u bë në korrik 2024, teksa firmat kishin 3 muaj kohë të realizonin të gjitha punimet dhe mbaronin në fund të nëntorit. Punimet u shtynë në janar 2025, por edhe në këtë muaj u shtynë sërish “pa afat”. Por, jo vetëm që u shtynë punimet por Bashkia e Fierit po tentonte që ta kolaudonte, megjithëse punimet s’kishin përfunduar. U hap një tender për kolaudimin, teksa nga vëzhgimi i Fiksit në shkurt 2025, punimet s’kanë përfunduar.